కన్య రాశిఫలం 2026: ఆరోగ్యం
కన్యా రాశి వారికి ఆరోగ్యపరంగా ఈ సంవత్సరం ఏమాత్రం బాగుండదు.
శని గ్రహ సప్తమ దృష్టి ప్రభావం చేత కీళ్లలో నొప్పులు అలసటతో పాటు ఊహించని ఆరోగ్య సమస్యలు తలెత్తుతాయి, కావున మీరు క్రమశిక్షణతో కూడిన జీవన శైలిని అనుసరించాలి,
క్రమం తప్పకుండా మీ యొక్క ఆహారపు అలవాట్లను మార్చుకోని చిన్న చిన్న వ్యాయామం వంటివి చేస్తూ ఉండాలి.
కన్య రాశిఫలం 2026: విద్య
కన్యారాశి విద్యార్థులకు శని సప్తమ దృష్టి ప్రభావం చేత వారిలో కొన్ని ఆరోగ్య సమస్యలు, బద్ధకం ఉన్నందున విద్య పట్ల ఆశ్రద్ధ చూపటం అనేది జరుగుతుంది,
అయితే ఆ సమస్యలను ఎదుర్కొని సంకల్పంతో విద్యలో కృషి చేసిన వారికి గురు గృహం అనుగ్రహం వల్ల మంచి ఫలితాలను పొందుతారు.
కన్య రాశిఫలం 2026: వ్యాపారం
కన్య రాశి వారికి ఈ సంవత్సరం మీ రాశి అధిపతి అయినటువంటి బుధు గ్రహం యొక్క ఫలితం మిశ్రమంగా ఉంటుంది. అలానే శనిగ్రహ ఏడవ స్థానం లోని దృష్టి వలన,
మరియు రాహు కేతువుల ప్రభావం వలన, వ్యాపార వ్యవహార విషయాలలో అలసట, ప్రమాదకరమైన సంఘటనలు సంభవిస్తాయి. అయితే గురు గ్రహ అనుకూలం వలన లాభలతో కూడిన ఫలితాలు కూడా ఉన్నాయి.
కనుక జాగ్రత్తలు వహిస్తూ మీ వ్యాపారం చేసుకున్న మంచి ఫలితాన్ని పొందుతారు.
కన్య రాశిఫలం 2026: కెరీర్
కన్యా రాశి వారికి కెరియర్ పరంగా శని, రాహు, కేతు గ్రహాల, ప్రభావం వలన మిశ్రమ ఫలితాలు ఉన్నప్పటికీ,
గురు గ్రహ ప్రభావం వలన కొంత అనుకూలంగానే ఉందని చెప్పవచ్చు. కాబట్టి మీరు మీ వృత్తిలో ఎంత శ్రమ పడితే మీకు అంత లాభదాయకంగా ఉంటుంది.
కన్య రాశిఫలం 2026: ఆర్థికం
ఆర్థిక పరంగా కన్యా రాశి వారికి ఈ సంవత్సరం శుక్ర గ్రహ సంచార ఎక్కువగా ఉండటం, అలానే గురు గ్రహ అనుకూలత కూడా ఎక్కువగా ఉండటం వలన ఆర్థిక వనరులకు అభివృద్ధిని చేకూరే విధంగానే ఉంటుంది.
అయితే శని ప్రభావం మరియు రాహుకేతుల ప్రభావం అలానే సంవత్సరం చివరిలో బృహస్పతి స్థానం మారటం వలన కొన్ని సమస్యలు మరియు ఆర్థిక ఇబ్బందులు ఉంటాయి, ఏది ఏమైనప్పటికీ గతంతో పోలిస్తే ఆర్థిక పరంగా ఈ సంవత్సరం మెరుగ్గానే ఉంటుంది.
కన్య రాశిఫలం 2026: కుటుంబ జీవితం
కన్యా రాశి వారికి కుటుంబ జీవితం విషయానికి వస్తే కుటుంబ స్థానాధిపతి అయినటువంటి శుక్రుగ్రహం ఏడాది పొడవునా అనుకూలమైన స్థితిలో ఉండటం మరియు బృహస్పతి కూడా వీరికి బాగా అనుకూలంగా ఈ సంవత్సరం చివరి వరకు ఉండటం వలన కుటుంబంలో
సామరస్యం మరియు అవగాహనను పెంపొందించి ఏటువంటి విభేదాలు లేకుండా శుభ ఫలితాలను ఇస్తుంది. అయితే శని, రాహు, కేతువు గ్రహల వల్ల కొన్ని అనుకోని సంఘటనలు కూడా తలెత్తితే అవకాశాలు ఉన్నాయి, కనుక కుటుంబ వ్యవహారాలలో జాగ్రత్తని వహించటం మంచిది.
పరిహారాలు : కన్య రాశి వారు ఈ సంవత్సరం విష్ణుమూర్తిని, గణేశుడుని, ప్రతిరోజు ఆరాధించటం తోపాటు ఆవుకి క్రమం తప్పకుండా అరటిపళ్లను తినిపించండి, అలాగే వీలైనంతవరకు కూడా మీ సోదర సోదరీమణులతో సామరస్యాపూర్వక సంబంధాలను కొనసాగించండి.