మీనం రాశిఫలం 2026: ఆరోగ్యం
ఈ సంవత్సరం మీనరాశి వారి ఆరోగ్యం మిశ్రమంగా ఉంటుంది. కానీ కొన్నిసార్లు మీకు వ్యయంలో ఉన్న రాహు గ్రహ, ప్రభావం మరియు జన్మరాశిలో ఉన్న శని గ్రహ,
ప్రభావంతో పాటు రవి గ్రహ, కుజ గ్రహాల ద్వారా, వచ్చే చెడు ప్రభావాలు కూడా ఎక్కువగానే ఉంటాయి. ఈ సంవత్సరంలో ఐదు నెలలు మీ ఆరోగ్యానికి అనుకూలంగా ఉంటే మిగిలిన ఐదు నెలలు మిశ్రమంగా ఉంటాయి.
సంవత్సరంలో చివరి రెండు నెలలు ఆరోగ్యానికి చాలా సున్నితంగా ఉంటాయి. ఇప్పటికే కడుపు లేదా ఛాతీ సంబంధిత సమస్యలు ఉన్నవారు లేదా విశ్రాంతి, నిద్ర లేకపోవడం,
నడుము లేదా కాళ్ళ దిగువ భాగానికి సంబంధించిన ఏవైనా సమస్యలు ఉన్నవారు, ఆరోగ్యంపై ప్రత్యేకంగా జాగ్రత్తగా చూసుకోవాలి మరియు ఆరోగ్యం గురించి అజాగ్రత్తగా ఉండకుండాదు.
మీనం రాశిఫలం 2026: విద్య
మీన రాశి విద్యార్థులకు ఈ సంవత్సరం గ్రహాలు ఉన్న స్థితి ప్రభావం వల్ల, కొంతవరకు మద్యస్థంగానే ఉందని చెప్పవచ్చు. మీ ఆరోగ్యం బలంగా ఉంటే ఈ సంవత్సరం మీ చదువులో అద్భుతంగా ఉండే అవకాశం ఉంది.
మీ చుట్టూ ఉన్న పరిస్థితుల ప్రభావం వలన మీరు చదువులపై దృష్టి పెట్టలేని స్థితిని పొందవచ్చు. కానీ మీరు ప్రయత్నిస్తే, మీరు మీ చదువులపై దృష్టి పెట్టగలుగుతారు.
జూన్ 02 నుండి అక్టోబర్ 31 వరకు గురు గ్రహం స్థాన చాలానం అనుకూలంగా ఉంటుంది, ఎందుకంటే మీన రాశి అధిపతిగా చెప్పబడే టు వంటి గురు గ్రహం,
మీ ఐదవ ఇంట్లో ఉన్నత స్థానంలో ఉంటాడు. ఫలితంగా, ప్రాథమిక విద్య మరియు ఉన్నత విద్యను అభ్యసించే విద్యార్థులు విజయం సాధిస్తారు.
ఈ సమయంలో ప్రొఫెషనల్ కోర్సులు చదువుతున్న వారికి కూడా శుభప్రదంగా ఉంటుంది. అక్టోబర్ 31 తర్వాత కాలంలో గురు గ్రహం,
స్థానం మీ యొక్క ఆరవ ఇంట్లోకి మారడం వలన మీన రాశి విద్యార్థులకు అనుకూలత ఉండకపోవచ్చు.
మీనం రాశిఫలం 2026: వ్యాపారం
మీన రాశి వారికి వ్యాపారంగపరంగా ఈ సంవత్సరం మధ్యస్థ ఫలితాలను ఇవ్వవచ్చును. కారణం మీనరాశిలో శని గ్రహం, ఉండటం. వ్యయంలో రాహు గ్రహ, సంచారం జరగటం. అలానే జూన్ రెండు వరకు గురు గ్రహం,
చతుర్ధ స్థానంలో ఉండటం, వలన మీ వ్యాపారంలో మీ పని మునుపటి కంటే నెమ్మదిగా ఉండటం. ఏదైనా పనిలో చేసే ప్రయత్నాలకు కొంచెం ఎక్కువ సమయం పట్టడం అయినప్పటికీ, ఆశించిన ఫలితాలను పొందకపొవచ్చు.
ఈ సంవత్సరం బుధ గ్రహం యొక్క స్థానం మీకు వ్యాపారంలో సగటు ఫలితాలను ఇస్తుంది. శని మరియు రాహువు అనుకూలమైన స్థితిలో లేనందున, మీరు వ్యాపారంలో రిస్క్ తీసుకోకుండా ఉండాలి. ముఖ్యంగా మీ వ్యాపారం సుదూర ప్రాంతానికి అనుసంధానించబడి ఉంటే,
జాగ్రత్తగా ఉండండి. విదేశాలతో సంబంధం ఉన్న లేదా దిగుమతి-ఎగుమతితో సంబంధం ఉన్న వ్యాపార వ్యక్తుల వలన, మీరు కొంచెం అసంతృప్తిగా కనిపించవచ్చు. ఈ సంవత్సరం కొన్ని నెలలు మీకు అనుకూలంగాను మరి కొన్ని నెలలు ప్రాతికూలంగాను ఫలితాలు ఉంటాయి.
గురు గ్రహం, జూన్ 02 నుండి అక్టోబర్ 31 వరకు స్థానం మారడం వలన ఈ సమయంలో మీరు వ్యాపారంలో విజయం సాధిస్తారు, కానీ ఎటువంటి రిస్క్ తీసుకోకండి.
మీనం రాశిఫలం 2026: కెరీర్
మీన రాశి వారికి కెరీర్ పరంగా ఈ సంవత్సరం కేతు గ్రహం, ఆరవ ఇంట్లో ఉండి మీకు శుభ ఫలితాలను ఇచ్చేవిధంగా ఉన్న వ్యయంలో రాహు గ్రహం, జన్మంలో శని గ్రహం, ఉండటం వల్ల అలాగే కర్మ స్థానాధిపతి గురు గ్రహం,
జూన్ రెండు వరకు మీ నాలుగోవ ఇంట్లో ఉండటం వల్లన, మీరు కష్టపడి పనులు సకాలంలో పూర్తి చేసి, మీ సీనియర్ల దృష్టిలో మీకు గౌరవ స్థానాన్ని సంపాదించుకోవాలనుకుంటారు. కానీ ఇది మీకు అంత సులభం కాదు.
అందుకు మీరు చాలా కష్టపడి పని చేయవలసి ఉంటుంది. మీరు కష్టపడి పనిచేయడానికి భయపడకపోతే, మీరు కచ్చితంగా అనుకున్న విధంగా సీనియర్ల దృష్టిలో మీకు గౌరవ స్థానాన్ని సంపాదించుకోగలుగుతారు.
సంవత్సరం ప్రారంభం నుండి జూన్ 2 వరకు, ఉద్యోగ సంబంధిత విషయాలలో గురు గ్రహం, పెద్దగా సహాయం అందించలేకపోవచ్చు. కానీ జూన్ 2 నుండి అక్టోబర్ 31 వరకు గురు గ్రహం,
మీ ఐదవ ఇంట్లో ఉండటం వల్లన మీకు ఉద్యోగంలో ప్రమోషన్ రావడం, తద్వారా గౌరవం మరియు ఆర్థిక పరంగా ఎదుగుదల కూడా ఉంటుంది.
మీనం రాశిఫలం 2026: ఆర్థికం
మీనరాశి వారి ఆర్థిక జీవితం ఈ సంవత్సరం మిశ్రమంగా ఉంటుంది. సంపదకు అధిపతి అయిన గురు గ్రహం, ఈ సంవత్సరం జూన్ 2 వరకు మీ నాలుగోవ ఇంట్లో ఉండటం వల్ల నా,
మరియు సంపద గృహానికి అధిపతి అయిన కుజ గ్రహం, ఈ సంవత్సరం ఆర్థిక విషయాలలో సగటు ఫలితాలను ఈవచ్చు. శని, రాహు, రవి, కుజ, గ్రహాల ప్రభావం వల్ల వచ్చేటువంటి ఆరోగ్య సమస్యలకి ధనం ఎక్కువగా ఖర్చులు అవ్వటం జరుగుతుంది.
కానీ జూన్ 02 నుండి అక్టోబర్ 31 వరకు, గురు గ్రహం మీకు మంచి ఆదాయాన్ని సంపదను పెంచడం వలన మీ ఆర్థిక పరిస్థితి కూడా మెరుగుపడుతుంది. కనుక అనవసరపు ఖర్చులను తగ్గించుకున్న ఎడల ఆర్థికపరంగా ఉన్నత స్థితిలోనే ఉంటారు.
మీనం రాశిఫలం 2026: కుటుంబ జీవితం
మీన రాశి వారికి ఈ సంవత్సరం కుటుంబ జీవన విధానం విషయంలో సగటు జీవితం లాగానే ఉంటుంది. గురుగ్రహ, సంచారం జూన్ 2 నుండి పంచమ స్థానంలోకి మారడం వలన, మీ యొక్క కుటుంబంలో కొంత సానుకూలత,
కుటుంబంలోని వ్యక్తుల మధ్య ఆప్యాయతలు తో పాటు, శుభకార్యలు జరుపుకునే సంఘటనలు కూడా ఉన్నాయి. తద్వారా కుటుంబంలో నూతన వ్యక్తుల పరిచయాల సంబంధాలను బలపరుస్తు, కుటుంబంలో ఆనందాలను సమకూరుస్తుంది.
పరిహారాలు : మీరు ఎల్లవేళలా పెద్దలకు, మరియు గురువులకు, సేవలు చేయండి. అలాగే అవకాశం ఉన్నంత వరకు మూగజీవాలకు ఆహారాన్ని సమకూర్చండి.
ముఖ్య గమనిక : రాశి ఫలాలు అనేవి ప్రస్తుత గ్రహాలు ఉన్నటువంటి స్థితిని అనుసరించి గోచార రీత్యా చెప్పేటువంటి ఫలితాలు, వీటిలో చెప్పబడినటువంటి చెడు సంకేతాలను చూసి ఎవరు కూడా అధైర్య చెందవద్దు.
ఈ ఫలితాలు అందరికీ వందకు వంద శాతం ఆపాదించబడవు. ఎక్కువ శాతం 20% నుండి 25% శాతం వరకు మాత్రమే ఫలితాలనిస్తాయి. మీ యొక్క పూర్తి జాతక చక్రంలోని గ్రహాలు ఉన్నటువంటి స్థితిని బట్టి,
మరియు నడుస్తున్నటువంటి దశాబుక్తులను బట్టి మీకు పూర్తి ఫలితాలు ఆపాదించబడతాయి.